ಸಂಕ - ಹೊಸ ಆವೃತ್ತಿ v2

ಒಮ್ಮೆ ನನಗೆ ASCII ಯಲ್ಲಿ ಬರೆದ ಲೇಖನ ಯುನಿಕೋಡ್ ಗೆ ಬದಲಾಯಿಸ ಬೇಕಾಗಿದ್ದರಿಂದ Ascii to Unicode ತಂತ್ರಾಂಶ ಬರೆದುಕೊಂಡಿದ್ದೆ. ಆನಂತರ ಎಲ್ಲರಿಗೂ ಉಪಯೋಗವಾಗಲಿ ಎಂದು ವೆಬ್ ಸೈಟ್ ಮಾಡಿದೆ, ಅದರ ಬಗ್ಗೆ ಇಲ್ಲಿ ಬರೆದಿದ್ದೇನೆ ನೋಡಿ.

ಆ ನಂತರ ಈ ತಂತ್ರಾಂಶದ ತೊಂದರೆಗಳನ್ನು ಸರಿಪಡಿಸುತ್ತ, ಯುನಿಕೋಡ್ ನಿಂದ Ascii ಗೆ ಬದಲಾಯಿಸುವ ತಂತ್ರಾಂಶದ ಅಗತ್ಯವೂ ಎದುರಾಯಿತು. ಆಗ ಮಾಡಿದ ತಂತ್ರಾಂಶದ ಹೆಸರೇ "ಸಂಕ".

ಇತ್ತೀಚೆಗೆ "ಸಂಕ"ವನ್ನು ಎಷ್ಟು ಜನ ಉಪಯೋಗಿಸುತ್ತಿದ್ದಾರೆ ಎಂದು ಗೂಗಲ್ ಅನಲಿಟಿಕ್ಸ್ ನಲ್ಲಿ ನೋಡಿದೆ. ದಿನಕ್ಕೆ 1000 ದಿಂದ 1500 ಪೇಜ್ ವೀವ್ಸ್ ಇದೆ ಎಂದು ತಿಳಿದು ಸಂತಸವಾಯ್ತು. ತಮ್ಮ ಖುಷಿಯನ್ನು ಈಮೈಲ್ ಬರೆದು ಹಂಚಿಕೊಂಡವರಿಗೂ ಧನ್ಯವಾದಗಳು.

ಹಾಗೆಯೇ ಕೆಲವು ತೊಂದರೆಗಳಿದ್ದುದನ್ನೂ ಈಮೈಲ್ ಬರೆದು ತಿಳಿಸಿದ್ದರು. ಈ ಸಲ ಕನ್ನಡ ರಾಜ್ಯೋತ್ಸವದ ಖುಷಿಯಲ್ಲಿ ಇದನ್ನು ಸರಿಪಡಿಸೋಣವೆನ್ನಿಸಿತು.