ARAVINDA VISHWANATHAPURA

ಓಪನ್ ಮೂವಿ Big Buck Bunny

May 31, 2008
1 minute read.
news kannadablog

ಬ್ಲೆಂಡರ್ ಎಂಬ ಒಂದು ಓಪನ್ ಸೋರ್ಸ್ ತಂತ್ರಾಂಶ ಇದೆ , ಅದನ್ನ ಬಳಸಿ 3D animations ಮಾಡಬಹುದು. ಅದೇ ಬ್ಲೆಂಡರ್ ಕಮ್ಯುನಿಟಿಯವರು ಓಪನ್ ಮೂವಿ ಮಾಡಿದ್ದಾರೆ. ಓಪನ್ ಮೂವಿ ! ಆಶ್ಚರ್ಯ ಆಯ್ತಾ? ಇದು ಸತ್ಯ :)

ಮೇ ೧೮, ೨೦೦೬ ನಲ್ಲಿ ಬ್ಲೆಂಡರ್ ತಂಡದಿಂದ "Elephants Dream" ಎಂಬ ಮೊದಲನೇ ಓಪನ್ ಮೂವಿ ಬಿಡುಗಡೆ ಮಾಡಿದರು.

ಮೇ ೩೧, ೨೦೦೮ ರಲ್ಲಿ "Big Buck Bunny" ಎಂಬ ಓಪನ್ ಮೂವಿ ಬಿಡುಗಡೆ ಮಾಡಿದರು.(ಇದೇ ಇಂದಿನ ಈ ಲೇಖನಕ್ಕೆ ಸ್ಪೂರ್ತಿ)

ಏನಿದು ಓಪನ್ ಮೂವಿ?

ಈ animation ಮೂವಿಗಳನ್ನ "Creative Commons" ಅನ್ನೋ ಲೈಸೆನ್ಸ್ ನಲ್ಲಿ ಬಿಡುಗಡೆ ಮಾಡಿದ್ದಾರೆ, ಅಂದರೆ ಈ ಮೂವಿಗಳನ್ನ ನಾವು ಡೌನ್ ಲೋಡ್ ಮಾಡಿ ನೋಡಬಹುದು. ಯಾವುದೇ ಪೈರಸಿಯ ತೊಂದರೆ ಇಲ್ಲದೆ ಬೇರೆ ಯವರಿಗೆ ಹಂಚಬಹುದು.ಅದೂ ಅಲ್ಲದೆ ಈ ಮೂವಿಯ production files ಗಳನ್ನೂ(ಪಾತ್ರಗಳು, ಸನ್ನಿವೇಶಗಳು , ಮೂವಿಯ ಸೋರ್ಸ್ ಕೋಡ್) ಡೌನ್ ಲೋಡ್ ಮಾಡಬಹುದು. ಆ ಪಾತ್ರಗಳನ್ನು ಬದಲಾಯಿಸಬಹುದು, ಅದನ್ನ ನೋಡಿ ಕಲಿಯಬಹುದು ಅಥವಾ ಅದನ್ನ ಉಪಯೋಗಿಸಿ ಬೇರೆಯವರಿಗೆ ತರಬೇತಿ ಕೊಡಬಹುದು.

ಅದನ್ನ ಮಾಡಿದವರಿಗೆ ಏನು ಸಿಗುತ್ತೆ ಅಂತ ಯೋಚ್ನೆ ಮಾಡ್ತಾ ಇರಬಹುದು ನೀವೀಗ,

  1. ಬ್ಲೆಂಡರ್ ತಂತ್ರಾಂಶದ ಸಾದ್ಯತೆಗಳನ್ನ ಎಲ್ಲರಿಗೂ ತೋರಿಸಿ ಕೊಟ್ಟಂತಾಗುತ್ತೆ.

  2. ಮೂವಿ ಮಾಡುವಾಗ ಅಥವಾ ಅದನ್ನ ಟೆಸ್ಟ್ ಮಾಡುವಾಗ ಏನಾದರೂ ತೊಂದರೆಯಾದರೆ, ಅದು ಬ್ಲೆಂಡರ್ ದೇ ತೊಂದರೆ ಆಗಿದ್ದರೆ ಅದನ್ನು ಸರಿಪಡಿಸಬಹುದು. ಇದರಿಂದ ತಂತ್ರಾಂಶ ಮತ್ತೂ stable ಆಗುತ್ತೆ.

  3. Sponsors or Partners

  4. DVD ಮಾರಾಟ. (ತುಂಬಾ ಜನ ಇದನ್ನ ಪ್ರೋತ್ಸಾಹ ಮಾಡುವುದಕ್ಕೇ DVD ತಗೊಳುತ್ತಾರೆ.)

  5. ಡೊನೇಷನ್ ಗಳು.

  6. ಕಮ್ಯುನಿಟಿಯ ಬಲ ಹೆಚ್ಚುತ್ತೆ.

ನಿಮ್ಮ ಅನಿಸಿಕೆಗಳನ್ನ ಬರೆಯಿರಿ. ಹಾಗೇ ಮೂವಿ ನೋಡಲು ಮರೆಯದಿರಿ :)

ನನ್ನ ಲ್ಯಾಪ್ ಟಾಪ್ ನಲ್ಲಿ ಡೌನ್ ಲೋಡ್ ಆಗುತ್ತಾ ಇದೆ(ಈಗ ೩೦% ಆಗಿದೆ) ಮೈಸೂರಿನವರಿಗೆ ಯಾರಿಗಾದರೂ ಈ ಮೂವಿ ಬೇಕಿದ್ದರೆ ನನ್ನನ್ನು ಸಂಪರ್ಕಿಸಬಹುದು. :)

About Aravinda Vishwanathapura

Co-Founder & CTO at Kadalu Technologies, Creator of Sanka, Creator of Chitra, GlusterFS core team member, Maintainer of Kadalu Storage
Contact: Linkedin | Twitter | Facebook | Github | mail@aravindavk.in