ARAVINDA VISHWANATHAPURA

ಆಸ್ಕಿ(ASCII) ಮತ್ತು ಯುನಿಕೋಡಿಗೆ ಕನ್ನಡದ ಸಂಕ

Nov 11, 2016
1 minute read.
ಕನ್ನಡ ಸಂಕ

ಕಳೆದ ವರ್ಷ ಎಲ್ಲರಿಗೂ ಪ್ರಶ್ನೆಗಳನ್ನು ಕೇಳಿದ್ದೆ, ಈಗಾಗಲೇ ASCII ಇಂದ ಯುನಿಕೋಡ್ ಗೆ ಬದಲಾಯಿಸಲು ತಂತ್ರಾಂಶ ಇದೆ(aravindavk.in/ascii2unicode), ಆದರೆ ಯುನಿಕೋಡ್ ನಿಂದ ASCII ಗೆ ಮಾಡಲು ಬೇಕೇ ಎಂದು(ಲಿಂಕ್ ಇಲ್ಲಿದೆ). 37 ಜನ ಅದಕ್ಕೆ ಪ್ರತಿಕ್ರಿಯಿಸಿ ಬೇಕು ಅಂದಿದ್ದರು, ಆದರೆ ಬಹಳ ಸಮಯ ನನಗೆ ಅದರ ಕೆಲಸ ಪ್ರಾರಂಬಿಸಲು ಸಾಧ್ಯವಾಗಿರಲಿಲ್ಲ. ಈಗ ಪುನಃ ಈ ತಂತ್ರಾಂಶದ ಕೆಲಸ ಕೈಗೆತ್ತಿಕೊಂಡಿದ್ದೇನೆ.

ಬಹಳಷ್ಟು Testಗಳನ್ನು ಸೇರಿಸಿದ್ದೇನೆ, ಆದರೆ ಇನ್ನೂ ಬಹಳಷ್ಟು Tests ಬೇಕು ಈ ತಂತ್ರಾಂಶ ಉಪಯೋಗಿಸಲು ಯೋಗ್ಯವಾಗಲು. ಹೊಸದಾಗಿ ಬರೆದಿರುವುದರಿಂದ ಕೆಲವು ತೊಂದರೆಗಳು ಇನ್ನೂ ಉಳಿದಿರಬಹುದು, ಮುಂಬರುವ ದಿನಗಳಲ್ಲಿ ಅವುಗಳನ್ನು ಸರಿಪಡಿಸುತ್ತೇನೆ. ನಿಮಗೇನಾದರೂ ತೊಂದರೆ ಎನಿಸಿದರೆ ನನಗೆ ತಿಳಿಸಿ.

ಸಂಕ

ಸಂಕದ ಲಿಂಕು ಇಲ್ಲಿದೆ aravindavk.in/sanka. ಈ ತಂತ್ರಾಂಶದ ಸಹಾಯದಿಂದ ಆಸ್ಕಿ(ASCII) ಇಂದ ಯುನಿಕೋಡ್(Unicode) ಗೆ ಹಾಗೂ ಯುನಿಕೋಡ್ ನಿಂದ ಆಸ್ಕಿ ಗೆ ಬದಲಾಯಿಸಿಕೊಳ್ಳಬಹುದು.

ಏನು ಹೆಸರಿಡೋದು ಅಂತ ಯೋಚಿಸುತ್ತ ಇದ್ದಾಗ "ಸಂಕ" ಹೆಸರು ಇದಕ್ಕೆ ಸೂಕ್ತ ಅನ್ನಿಸಿತು. ಹೆಸರು ಹೇಗಿದೆ ತಿಳಿಸಿ :)

ಕನ್ವರ್ಟರ್ ಬಗ್ಗೆ ಬಹಳಷ್ಟು ಬರೆಯೋದಿದೆ, ಮುಂದಿನ ಬ್ಲಾಗ್ ಗಳಲ್ಲಿ ಕನ್ವರ್ಟ್ ಮಾಡುವುದರ ಬಗ್ಗೆ, ಅದಕ್ಕೆ ಬಳಸಿದ ತಂತ್ರಜ್ಞಾನದ ಬಗ್ಗೆ ಬರೆಯುತ್ತೇನೆ. ಈಗ ಸದ್ಯಕ್ಕೆ ಬಳಸಿ ನೋಡಿ ಹಾಗೂ ನಿಮ್ಮ ಗೆಳೆಯರೊಂದಿಗೆ ಹಂಚಿಕೊಳ್ಳಿ.

About Aravinda Vishwanathapura

Co-Founder & CTO at Kadalu Technologies, Creator of Sanka, Creator of Chitra, GlusterFS core team member, Maintainer of Kadalu Storage
Contact: Linkedin | Twitter | Facebook | Github | mail@aravindavk.in